தூத்துக்குடியைத் தலைமையிடமாகக் கொண்டு இயங்கி வரும் தமிழ்நாடு மெர்க்கன்டைல் வங்கியில், ரிலேஷன்ஷிப் மேனேஜர் உட்படப் பல்வேறு பணியிடங்களை நிரப்புவதற்கான புதிய வேலைவாய்ப்பு அறிவிப்பு வெளியிடப்பட்டுள்ளது.
பணியிடங்களின் விவரங்கள்:
ரிலேஷன்ஷிப் மேனேஜர் (Scale II)
ரிலேஷன்ஷிப் மேனேஜர் (Scale I)
புராடக்ட் ஸ்பெஷலிஸ்ட் – டிரேடு ஃபைனான்ஸ் (Product Specialist – Trade Finance)
கல்வித் தகுதி மற்றும் அனுபவம்:
ரிலேஷன்ஷிப் மேனேஜர்: அங்கீகரிக்கப்பட்ட பல்கலைக்கழகத்தில் ஏதேனும் ஒரு பாடப்பிரிவில் இளங்கலை அல்லது முதுகலை பட்டம் முடித்திருக்க வேண்டும். பட்டப்படிப்பில் குறைந்தபட்சம் 60 சதவீத மதிப்பெண்கள் பெற்றிருப்பது கட்டாயமாகும். மேலும், வங்கித்துறையில் குறைந்தபட்சம் 3 ஆண்டுகள் பணிபுரிந்த அனுபவம் பெற்றிருக்க வேண்டும்.
புராடக்ட் ஸ்பெஷலிஸ்ட்: பட்டப்படிப்பு முடித்திருப்பதுடன், டிரேடு ஃபைனான்ஸ் (Trade Finance) சார்ந்த பணிகளைக் கையாள்வதில் குறைந்தபட்சம் 3 ஆண்டுகள் அனுபவம் இருக்க வேண்டும்.
வயது வரம்பு & தேர்வு செய்யும் முறை:
வயது வரம்பு: விண்ணப்பதாரர்கள் 35 வயதுக்கு மிகாதவராக இருக்க வேண்டும்.
தேர்வு முறை: பெறப்படும் விண்ணப்பங்கள் பரிசீலிக்கப்பட்டு, தகுதியான விண்ணப்பதாரர்கள் நேர்முகத்தேர்வுக்கு (Interview) அழைக்கப்படுவார்கள்.
விண்ணப்பிக்கும் முறை:
தகுதியும் விருப்பமும் உள்ள விண்ணப்பதாரர்கள் வங்கியின் அதிகாரப்பூர்வ இணையதளம் வாயிலாக ஆன்லைனில் விண்ணப்பிக்கலாம். விண்ணப்பிப்பதற்கு வரும் 03.08.2026 கடைசி நாளாகும். வேலைவாய்ப்பு விவரங்கள் மற்றும் கூடுதல் தகவல்களை https://apps.tmbdigital.bank.in/tmb_careers/ என்ற இணையதள முகவரியில் அறிந்து கொள்ளலாம்.
