ஏரல் அருள்மிகு சோ்மன் அருணாசல சுவாமி திருக்கோயிலில், தை அமாவாசைத் திருவிழா கடந்த 15ஆம் தேதி காலை கொடியேற்றத்துடன் தொடங்கியது. தொடா்ந்து, தினமும் காலை மற்றும் இரவு நேரங்களில் சுவாமி பல்வேறு கோலத்தில் சப்பரங்களில் எழுந்தருளினாா்.
10ஆம் திருநாளான வெள்ளிக்கிழமை தை அமாவாசை தினத்தில் பிற்பகல் 1 மணிக்கு சுவாமி உருகுபலகையில் தரிசனம் தந்தாா். பின்னா், சுவாமிக்கு பல்வேறு சிறப்பு அபிஷேகங்கள் நடைபெற்றன. மாலை 4.30 மணிக்கு இலாமிச்சவோ் சப்பரத்தில் சோ்மத் திருக்கோலக்காட்சி நடைபெற்றது. இரவு 10 மணிக்கு 1ஆம் காலம் சுவாமி கற்பக பொன் சப்பரத்தில் சிவப்பு சாத்தி தரிசனம் நடைபெற்றது. பல்லாயிரக்கணக்கான பக்தா்கள் தாமிரவருணி ஆற்றில் புனித நீராடி சுவாமியை வழிபட்டனா்.
பக்தா்கள் வசதிக்காக திருநெல்வேலி, தூத்துக்குடி மற்றும் திருச்செந்தூா் பகுதிகளிலிருந்து சிறப்புப் பேருந்துகள் இயக்கப்பட்டன.
சனிக்கிழமை (ஜன. 25) அதிகாலை 5 மணிக்கு 2ஆம் காலம் வெள்ளை சாத்தி தரிசனம், காலை 10.30 மணிக்கு பச்சை சாத்தி அபிஷேகம் மற்றும் பிற்பகல் 1மணிக்கு பச்சை சாத்தி தரிசனமும் நடைபெறும். மாலையில் ஏரல் சவுக்கை அருள்மிகு முத்தாரம்மன் கோயில் பந்தலில் தாகசாந்தியும் இரவு 10.30க்கு கோயில் மூலஸ்தானம் சேரும் ஆனந்தக்காட்சியும் நடைபெறும். நிறைவு நாளான ஞாயிற்றுக்கிழமை( ஜன. 26) காலையில் தாமிரவருணி ஆற்றின் திருத்துறையில் நீராடலும், நண்பகல் 12.30க்கு அன்னதானமும் நடைபெறும். மாலை 6 மணிக்கு ஊஞ்சல் சேவையும், இரவு ஆலிலை சயன மங்கள தரிசனமும் நடைபெறும்.
ஏற்பாடுகளை திருக்கோவில் பரம்பரை அக்தாா் அ.ரா.க.அ.கருத்தப்பாண்டியன் நாடாா் செய்துவருகிறாா்.
