தூத்துக்குடியில் மீனவர் மர்மமான முறையில் இறந்தது தொடர்பாக போலீசார் விசாரணை நடத்தி வருகின்றனர்.
தூத்துக்குடி தாளமுத்துநகரைச் சேர்ந்தவர் ஜேக்கப் மகன் திபூர்சியஸ் சந்துரு (40). மீனவரான இவர் தினமும் மது குடித்துவிட்டு விட்டிற்கு வந்து தகராறு செய்வாராம். இதுபோல் நேற்றும் குடித்துவிட்டு வந்து, தனது தாயாரிடம் தகராறு செய்துள்ளார். பின்னர் அவர் படுத்து உறங்கி விட்டார்.
இந்நிலையில் இன்று காலையில் பார்த்தபோது அவர் படுக்கையில் இறந்து கிடந்தார். இதுகுறித்து தகவல் அறிந்து தாளமுத்துநகர் போலீசார் சம்பவ இடத்திற்கு சென்று உடலை மீட்டு பரிசோதனைக்கு அனுப்பி வைத்தனர். அவர் அளவுக்கு அதிகமாக மது குடித்ததால் இறந்தாரா? மாரடைப்பால் இறந்தாரா? என்று தெரியவில்லை. இதுகுறித்து போலீசார் வழக்குப் பதிந்து விசாரணை நடத்தி வருகின்றனர்.
