ஊதிய ஒப்பந்தத்தை நிறைவேற்ற வலியுறுத்தி போக்குவரத்து தொழிலாளர்கள் ஆர்ப்பாட்டம்!

ஊதிய ஒப்பந்தத்தை உடனே பேசி முடிக்க வலியுறுத்தி தூத்துக்குடியில் எஸ்.சி.டி.சி பணிமனை வாயிலில் சிஐடியு தொழிற்சங்கம் சார்பில் கண்டன ஆர்ப்பாட்டம் நடந்தது.

பதினைந்தாவது ஊதிய ஒப்பந்தத்தை உடனே பேசி முடிக்க கோரி தமிழக முழுவதும் இன்று கண்டண ஆர்ப்பாட்டம் நடைபெற்று வருகிறது. அதைத்தொடர்ந்து தூத்துக்குடியில் எட்டையபுரம் ரோடு சாமி பல்க் எதிரே அமைந்துள்ள எஸ்.சி.டி.சி பணிமனை முன்பு சிஐடியு தொழிற்சங்கம் சார்பாக கண்டன ஆர்ப்பாட்டம் நடைபெற்றது.

ஆர்ப்பாட்டத்திற்கு டிப்போ செயலாளர் மாயக் குமார் தலைமை தாங்கினார். மாவட்ட சிஐடியு தலைவர் பேச்சு முத்து கண்டன உரை நிகழ்த்தினார். ஓய்வு பெற்ற இரயில்வே அமைப்பு நிர்வாகி டென்சிங் சிறப்பு ஆற்றினார். எஸ்.சி.டி.சி சிஐடியு மாநில துணை செயலாளர் பிச்சை மணி கண்டன உரை நிகழ்த்தினார். ஆர்பாட்டத்தில் நிர்வாகிகள் கண்ணன், சௌந்திர பாண்டி, அலெக்ஸ், குமர குருபரன், உட்பட பலர் கலந்து கொண்டனர்.