தூத்துக்குடி தருவை மைதானத்தில் குடியரசு தினவிழாவை முன்னிட்டு மாவட்ட ஆட்சித்தலைவர் சிறந்த சாதனையாளர்களுக்கு விருது வழங்கினார். இதில் பொன்சொர்ணா ஸ்டுடியோ தயாரிப்பில் கடந்த பொதுத்தேர்தலின் போது 8 குறும்படத்தினை மாவட்ட நிர்வாகத்திற்காக எடுத்து கொடுத்தனர்.
அதில் பணியாற்றியவர்களுககு மாவட்ட ஆட்சித்தலைவர் பாராட்டு சான்றிதழ் வழங்கினார். இந்த நிகழ்ச்சியை வழி நடத்திய முன்னாள் ஸ்ரீவைகுண்டம் வட்டாட்சியர் கோபாலகிருஷ்ணன் அவர்களுக்கும், குறும்படங்களை இயக்கிய காமராஜர் கல்லூரி உதவி பேராசிரியர் அபிஷ்விக்னேஷ், எழுத்தாக்கம் செய்த எழுத்தாளர் முத்தாலங்குறிச்சி காமராசு, இடங்கள் தேர்வு மற்றும் நடிகர்கள் ஏற்பாடு செய்த ஆழ்வார்தோப்பு கிராம உதய மேலாளர் வேல்முருகன் அவர்களுக்கும், அனவரதநல்லூர் சிறுவர் இல்லத்தினை சேர்ந்த தினகரன் அவர்களுக்கும் பாராட்டு சான்றிதழ் வழங்கப்பட்டது.
பாடலுக்கு இசையமைத்த இசக்கியப்பன் அவர்களுக்கும், கேமராமேனாக பணியாற்றிய சுடலைமணிசெல்வனுக்கும், பின்னணி குரல் கொடுத்த ஆனந்த சொர்ண துர்காவுக்கும், துணை இயக்குனராக பணியாற்றிய கோபாலகிருஷ்ணனுக்கு மாவட்ட ஆட்சிதலைவர் பாராட்டு சான்றிதழ் கொடுத்து கௌரவித்தார்.
முத்தாலங்குறிச்சி காமராசு நிகழ்ச்சிககு வர இயலாத காரணத்தினால் பொன் சொர்ணா நிர்வாகத்தின் இயக்குனர் பொன் சிவகாமி மாவட்ட ஆட்சி தலைவரிடம் பாராட்டுசான்றிதழை பெற்றுகொண்டார்.
