முத்தாலங்குறிச்சி காமராசுவுக்கு
ஆன்மிகச் சுடர் விருது
சாமி தோப்பில் பூஜிதகுரு பாலபிரஜாதிபதி அடிகளார் வழங்கினார்.
எழுத்தாளர் முத்தாலங்குறிச்சி காமராசுவுக்கு ஆன்மிகச் சுடர் விருதை கன்னியாகுமரி மாவட்டம் சாமி தோப்பில் பூஜிதகுரு பாலபிரஜாதிபதி அடிகளார் வழங்கினார்.
சாமிதோப்பு அன்புவனத்தில் வைகுண்டரும், வாழ்வியலும் என்ற புத்தக வெளியீட்டு விழா மற்றும் கருத்தரங்கம் நடைபெற்றது. இதில் விருது வழங்கும் நிகழ்வும் நடந்தது. இந்த நிகழ்ச்சிக்கு மகாகுரு பால பிரஜாபதி அடிகளார் தலைமை வகித்தார். கவிஞர் முத்துலிங்கம் இறைவணக்கம் பாடினார் தமிழ்நாடு கலை இலக்கிய கழகச் செயலர் முனைவர் முகிலை பாஸ்ரீ வரவேற்றார்.
இதில் சிறப்பு விருந்தினராக எழுத்தாளர் தமிழன் இளங்கோ, பேராசிரியர் அப்துல் சமது, தமிழ்ச்சோலை அமைப்பின் தலைவர் பேராசிரியர் சுந்தரலிங்கம் ஆகியோர் உரையாற்றினர். பால பிரஜாபதி அடிகளார் வெளியிட்ட வைகுண்டரும், வாழ்வியலும் என்னும் புத்தகத்தை திண்டுக்கல் காந்திகிராம் பல்கலைக்கழக தமிழ்த்துறை பேராசிரியர் ஓம் முத்தையா பெற்றுக் கொண்டார். அதன்பின் ஆன்மிகச் சுடர் விருது மற்றும் சான்றிதழ் வழங்கப்பட்டது. இதில் எழுத்தாளர் முத்தாலங்குறிச்சி காமராசு உள்பட பலருக்கு விருது வழங்கப்பட்டது. விருதை பாலபிரஜாதிபதி அடிகளார் வழங்கினார். நிகழ்ச்சியில் தமிழ்நாடு கலை இலக்கிய கழகத் தலைவர் ஈஸ்வரன், நாஞ்சில் கலையகம் மயூரி சீதாராமன், முனைவர் செல்வராஜன், ஈஸ்வரன், பேராசிரியர் ஸ்ரீமதி உள்பட பலர் கலந்துகொண்டனர். நிகழ்ச்சிகளை கவிதாயினி விஜி பூரண்சிங் தொகுத்து வழங்கினார். அன்புவனம் நிர்வாகி பேராசிரியர் ஆர் தர்ம ரஜினி நன்றி கூறினார்.
