தூத்துக்குடி 2-வது ரயில்வே கேட் இன்று இரவு தற்காலிக மூடல்: மாற்றுப்பாதையில் செல்ல அறிவுறுத்தல்!

இதுகுறித்து தெற்கு ரயில்வேயின் தூத்துக்குடி முதுநிலை பொறியாளர் அலுவலகம் வெளியிட்டுள்ள செய்திக்குறிப்பில், ரயில்வே கேட் எண் 486 (ECR ரோடு மற்றும் WGC ரோடு இணைப்புப் பகுதி) இன்று (22.04.2026) இரவு 10:00 மணி முதல் நாளை (23.04.2026) காலை 06:00 மணி வரை ரயில்வே தண்டவாளங்களில் மேற்கொள்ளப்பட வேண்டிய அவசர கால பராமரிப்புப் பணிகளுக்காக மூடப்பட உள்ளது.

பொதுமக்களின் பாதுகாப்பு மற்றும் ரயில் போக்குவரத்தைச் சீரமைக்கும் நோக்கில் இந்த பராமரிப்புப் பணிகள் மேற்கொள்ளப்படுகின்றன. நாளை காலை 6 மணிக்கு பணிகள் நிறைவடைந்து போக்குவரத்து வழக்கம்போல் தொடங்கும். எனவே, இரவு நேரப் பயணத்தை மேற்கொள்ளும் வாகன ஓட்டிகள் இந்த மாற்றத்தைக் கருத்தில் கொண்டு, தங்களது பயணத்தை முன்கூட்டியே திட்டமிட்டுக்கொள்ளுமாறு அறிவுறுத்தப்படுகிறார்கள்.