முத்தாலங்குறிச்சியில் உள்ள மிகவும் பழமையான தாய் தெய்வமான நல்லாண்பிள்ளை பெற்ற குணவதி அம்மன் கோயில் கும்பாபிஷேக விழா வருகிற 23-ஆம் தேதி நடைபெறுகிறது.
தாமிரபரணி ஆறு வடக்கிலிருந்து தெற்காகப் பாய்வதால் ‘தட்சிண கங்கை’ எனப் பெயர் பெற்றது. இதன் காரணமாகவே முறப்பநாடு ‘தென்னகத்தின் காசி’ என அழைக்கப்படுகிறது. அதேபோல, தாமிரபரணி வடக்கிலிருந்து தெற்காகப் பாயும் இடமான முத்தாலங்குறிச்சியில் அருள்பாலிப்பவர் நல்லாண்பிள்ளை பெற்ற குணவதி அம்மன்.
இந்த ஆலயத்தில் அம்மன் வடக்கு நோக்கி வீற்றிருக்க, வடக்கிலிருந்து ஓடிவரும் தாமிரபரணி அன்னை அம்மனைத் தரிசித்துச் செல்வது ஐதீகமாகும். எனவே, இந்த ஆலயம் தாமிரபரணி நதிக்கரையில் உள்ள மிக முக்கியமான ஆன்மீகத் தலங்களில் ஒன்றாக டாக்டர் சுதா சேஷய்யன் உள்ளிட்ட ஆன்மீக எழுத்தாளர்களால் கருதப்படுகிறது.
விழா விவரங்கள்:
இந்த ஆலயத்தின் கும்பாபிஷேக விழாவிற்கான ஏற்பாடுகளைப் பக்த ஜன சபா செய்து வருகிறது. விழாவை முன்னிட்டு வருகிற 21-ஆம் தேதி காலை 6:30 மணிக்கு யாகசாலை பூஜை தொடங்குகிறது. தொடர்ந்து மகா கணபதி ஹோமம், நவக்கிரக ஹோமம், மகாலட்சுமி ஹோமம், பிரம்மச்சாரி பூஜை, கோ பூஜை மற்றும் தீபாராதனை நடைபெறும்.
-
மாலை 5:00 மணி: கடம் யாகசாலை பிரவேசம்.
-
இரவு 9:30 மணி: முதற்கால யாகசாலை பூஜை.
-
22-ஆம் தேதி காலை 9:00 மணி: இரண்டாம் கால யாகசாலை பூஜை.
-
மாலை 6:00 மணி: மூன்றாம் கால யாகசாலை பூஜை.
-
இரவு: யந்திர ஸ்தாபனம், அஷ்டபந்தன மருந்து சாத்துதல் ஆகியவை நடைபெறும்.
கும்பாபிஷேக நாள் (23-ஆம் தேதி):
-
காலை 6:00 மணி: நான்காம் கால யாகசாலை பூஜை.
-
காலை 10:00 மணி: யாத்ராதானம், கடம் எழுந்தருளல்.
-
காலை 10:15 மணிக்கு மேல்: குணவதி அம்மன் திருக்கோவில் விமான கோபுரம் மற்றும் மூர்த்திகளுக்கு மகா கும்பாபிஷேகம்.
-
நண்பகல் 12:00 மணி: மகா அபிஷேகம், விசேஷ அலங்காரம், தீபாராதனை மற்றும் பிரசாதம் வழங்குதல்.
-
இரவு 7:00 மணி: அம்பாள் திருவீதி உலா.
இந்த வைபவத்திற்கான பூஜைகளைச் சிவஸ்ரீ செல்வம் பட்டர் என்கிற கல்யாண சுந்தர சிவாச்சாரியார் தலைமையில் சிவாச்சாரியார்கள் செய்து வருகிறார்கள்.
நிகழ்ச்சிக்கான ஏற்பாடுகளைத் தலைவர் விஸ்வநாதன், செயலாளர் வெங்கட்ராமன், பொருளாளர் ஸ்ரீதர் மற்றும் முத்தாலங்குறிச்சி குணவதி அம்மன் பக்த ஜன சங்கத்தினர் மற்றும் ஊர் பொதுமக்கள் சிறப்பாகச் செய்து வருகின்றனர்.
