கோவில்பட்டியில் சமுதாய பெயா் பலகையை அகற்றிய பிரச்சனையில் தீக்குளித்தவர் சிகிச்சை பலனின்றி உயிரிழந்தாா்.இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், கோவில்பட்டி அண்ணா நகா் 1ஆவது தெருவைச் சோ்ந்த ஜான் முத்தையா மகன் பாக்கியதாஸ் (58), கூலித் தொழிலாளி. கோவில்பட்டி அண்ணா நகா் 1ஆவது தெருவில் நகராட்சி சாா்பில் சிமென்ட் கல் பதிக்கும் பணிக்காக பாக்கியதாஸ் வீட்டின் முன்பு வைக்கப்பட்டிருந்த சமுதாய பெயா் பலகையை அகற்றியதாகவும், பணி முடிந்ததும் அதே இடத்தில் வைத்ததாகக் கூறப்படுகிறது. இதற்கு பாக்கியதாஸ் மற்றும் அவரது மகன் காா்த்திக் ஆகிய இருவரும் எதிா்ப்பு தெரிவித்தாா்களாம். இந்நிலையில் பெயா் பலகையை இடமாற்றி வைக்காததால் மன விரக்தியடைந்த பாக்கியதாஸ் கடந்த மாதம் 30ஆம் தேதி தன் உடலில் மண்ணெண்ணெய் ஊற்றி தீ வைத்துக் கொண்டாராம். இதில், பலத்த காயமடைந்த அவா், கோவில்பட்டி அரசு மருத்துவமனையில் முதலுதவி சிகிச்சைக்குப் பின், தீவிர சிகிச்சைக்காக தூத்துக்குடி அரசு மருத்துவக் கல்லூரி மருத்துவமனையில் அனுமதிக்கப்பட்டாா். ஆனால் அங்கு அவா் சிகிச்சை பலனின்றி நேற்று உயிரிழந்தாா். இதுகுறித்து மேற்கு காவல் நிலைய போலீசார் வழக்குப் பதிந்து விசாரணை நடத்தி வருகின்றனா்.
