தூத்துக்குடி மாவட்ட காவல் கண்காணிப்பாளர் டாக்டர் பாலாஜி சரவணன் உத்தரவின்படி ஸ்ரீவைகுண்டம் காவல் துணை கண்காணிப்பாளர் மாயவன் மேற்பார்வையில் ஏரல் காவல் நிலைய ஆய்வாளர் மேரி ஜெமிதா தலைமையில் சிறப்பு உதவி ஆய்வாளர் குணசேகரன் மற்றும் ஸ்ரீவைகுண்டம் உட்கோட்ட தனிப்படை போலீசார் ஏரல் காவல் நிலைய எல்லைக்குட்பட்ட வாழவல்லான் ரோடு பகுதியில் ரோந்து பணியில் ஈடுபட்டிருந்தனர்.
அப்போது அப்பகுதியில் ஏரல் அம்பாள் தோப்பு பகுதியை சேர்ந்த ராஜேந்திரன் மகன் குணபால் என்பவர் சட்டவிரோதமாக மதுபானம் விற்பனையில் ஈடுபட்டது தெரியவந்தது.
உடனே மேற்படி போலீசார் குணபாலை கைது செய்து அவரிடமிருந்த 180 மதுபாட்டில்களையும் பறிமுதல் செய்தனர். மேலும் இதுகுறித்து ஏரல் காவல் நிலைய போலீசார் விசாரணை மேற்கொண்டு வருகின்றனர்.


