தூத்துக்குடி மூன்றாவது மைல் முதல் திரேஸ்புரம் வரை புதிய தார் சாலைப் பணிகளை மேயர் ஜெகன் பெரியசாமி தொடங்கி வைத்தார்.
தூத்துக்குடி மாநகராட்சியின் பல்வேறு பகுதிகளில் புதிய சாலை அமைக்கும் பணிகள் தீவிரமாக நடைபெற்று வருகின்றன. இதன் ஒரு பகுதியாக, மாநகராட்சிக்குட்பட்ட பாதாள சாக்கடைத் திட்டப் பகுதியினை ஒட்டியுள்ள ஓடை ரோட்டின் ஒரு புறத்தில், மூன்றாவது மைல் முதல் திரேஸ்புரம் வரை தார் சாலை அமைக்கும் பணிகளை மாநகராட்சி மேயர் ஜெகன் பெரியசாமி தொடங்கி வைத்தார்.
இந்நிகழ்வின் போது மாநகராட்சி ஆணையர் பிரியங்கா, மாமன்ற உறுப்பினர் கனகராஜ் மற்றும் மாநகராட்சி அலுவலர்கள், திமுக நிர்வாகிகள் உள்ளிட்ட முக்கியப் பிரமுகர்கள் உடனிருந்தனர்.
