தூத்துக்குடி மாவட்ட நிர்வாகம் மற்றும் மாநகராட்சி இணைந்து, பள்ளி மாணவர்களின் விடுமுறை நாட்களைப் பயனுள்ளதாக மாற்ற ‘கோடை கொண்டாட்டம்’ என்ற தலைப்பில் அறிவியல் மற்றும் திறன் மேம்பாட்டு முகாமிற்கு ஏற்பாடு செய்துள்ளது.
காலம்: மே 11 முதல் மே 30 வரை.
நேரம்: தினமும் மாலை 3.00 மணி முதல் 7.00 மணி வரை.
இடம்: தூத்துக்குடி மாநகராட்சி அறிவியல் பூங்கா (STEM Park).
தகுதி: 5 வயது முதல் 15 வயது வரை உள்ள குழந்தைகள் மற்றும் மாணவர்கள்.
கட்டணம்: பங்கேற்பு முற்றிலும் இலவசம்.
சிறப்பு வகுப்புகள்: மாணவர்களின் படைப்பாற்றலைத் தூண்டும் வகையில் தினமும் மாலை 3.00 முதல் 4.00 மணி வரை பின்வரும் தலைப்புகளில் அமர்வுகள் நடைபெறும்:
கணிதம், ஓவியம், மேஜிக், காகிதக் கலை (Origami).
பேச்சாற்றல், புத்தக வாசிப்பு, அறிவியல் சோதனைகள்.
நிதி மேலாண்மை, சமூக ஊடக விழிப்புணர்வு, போதைப்பொருள் ஒழிப்பு மற்றும் போக்குவரத்து விதிகள்.
மண்பாண்டக் கலை மற்றும் விண்வெளி அறிவியல் (Astrophysics).
திறன் மேம்பாட்டுப் பயிற்சிகள் (மாலை 4.30 – 6.00):
சிறப்புப் பயிற்சியாளர்களைக் கொண்டு பின்வரும் பயிற்சிகள் வழங்கப்பட உள்ளன (முதலில் வருபவருக்கே முன்னுரிமை):
சதுரங்கம் மற்றும் ரூபிக்ஸ் க்யூப்: 50 இடங்கள்.
சிலம்பம்: 25 இடங்கள்.
யோகா: 25 இடங்கள்.
ஸ்போக்கன் இங்கிலீஷ்: 25 இடங்கள்.
வார இறுதித் திரைப்படங்கள்: சனிக்கிழமை மற்றும் ஞாயிற்றுக்கிழமைகளில் ‘Children of Heaven’, ‘Tintin’ போன்ற உலகத்தரம் வாய்ந்த குழந்தைகளுக்கான திரைப்படங்கள் திரையிடப்பட்டு, அது குறித்த கலந்துரையாடல்களும் நடைபெறும்.
இந்த அரிய வாய்ப்பைப் பயன்படுத்திப் பெற்றோர்கள் தங்கள் பிள்ளைகளை இதில் பங்கேற்கச் செய்யுமாறு கேட்டுக்கொள்ளப்படுகிறார்கள். முன்பதிவு செய்ய அறிவியல் பூங்காவிற்கு நேரில் வரலாம் அல்லது +91 9597613988, +91 8220750082 ஆகிய எண்களைத் தொடர்பு கொள்ளலாம் என அறிவிக்கப்பட்டுள்ளது.
