தூத்துக்குடி மாவட்ட ஆட்சியர் அலுவலக வளாகத்தில் புதிதாக அமைக்கப்பட்டுள்ள நில அதிர்வு கண்காணிப்பு மையத்தை மாவட்ட ஆட்சியர் க. இளம்பகவத் நேரில் பார்வையிட்டு ஆய்வு செய்தார்.
புவியியல் மாற்றங்கள் மற்றும் நில அதிர்வுகளைத் துல்லியமாகக் கண்காணிக்கும் நோக்கில் இந்த மையம் நவீன தொழில்நுட்பத்துடன் நிறுவப்பட்டுள்ளது. இந்த ஆய்வின் போது, கண்காணிப்பு கருவிகளின் செயல்பாடு மற்றும் தரவுகளைப் பதிவு செய்யும் முறை குறித்து அதிகாரிகளிடம் ஆட்சியர் கேட்டறிந்தார்.
ஆய்வின் போது மாவட்ட காவல் கண்காணிப்பாளர் நை. சிலம்பரசன், மாவட்ட வருவாய் அலுவலர் இரவிச்சந்திரன், மாவட்ட ஆட்சியரின் நேர்முக உதவியாளர் (பொது) சேதுராமலிங்கம் உள்ளிட்டோர் உடனிருந்தனர். மாவட்டத்தின் பாதுகாப்பு மற்றும் பேரிடர் மேலாண்மை முன்னெச்சரிக்கை நடவடிக்கைகளில் இந்த மையம் முக்கியப் பங்காற்றும் என்று எதிர்பார்க்கப்படுகிறது.
