தூத்துக்குடி மாவட்டத்தில் உள்ள 9 வட்டங்களில் வருகிற 16ம் தேதி (வெள்ளிக்கிழமை) அம்மா திட்ட முகாம் நடைபெறவுள்ளது.
இது தொடர்பாக ஆட்சியர் என்.வெங்கடேஷ் வெளியிட்டுள்ள செய்திக்குறிப்பு:
அனைத்து கிராமங்களில் அடித்தட்டு மக்களுக்கு அதிக சேவை வழங்க தமிழக அரசால் அறிவிக்கப்பட்டுள்ள அம்மா திட்டத்தின் கீழ் தூத்துக்குடி மாவட்டத்தில் 16.02.2018 (வெள்ளிக்கிழமை) அன்று வட்டாட்சியர்கள் தலைமையில் அம்மா திட்ட முகாம் நடைபெறவுள்ளது.
தூத்துக்குடி வட்டத்தில் குமாரகிரி கிராமத்திலும், ஸ்ரீவைகுண்டம் வட்டத்தில் பூவாணி கிராமத்திலும் திருச்செந்தூர் வட்டத்தில் செட்டியாபத்து கிராமத்திலும், சாத்தான்குளம் வட்டத்தில் கொம்பன்குளம் கிராமத்திலும், கோவில்பட்டி வட்டத்தில் இனாம்மணியாச்சி கிராமத்திலும், விளாத்திகுளம் வட்டத்தில் பூசனூர் கிராமத்திலும், எட்டயபுரம் வட்டத்தில் இளம்புவனம் கிராமத்திலும், ஓட் டப்பிடாரம் வட்டத்தில் பரிவல்லிக்கோட்டை கிராமத்திலும், கயத்தார் வட்டத்தில் கலப்பைபட்டி கிராமத்திலும் முகாம் நடைபெறவுள்ளது.
முகாம்களில் மக்களின் குறைகளை தீர்க்கும் வண்ணம் முதியோர் ஓய்வூதியம் உள்ளிட்ட சமூக பாதுகாப்புத் தி ட்டங்கள், பட்டா மாறுதல், இலவச வீட்டுமனை பட்டாக்கள், உழவர் பாதுகாப்பு அட்டை, பிறப்பு – இறப்பு சான்றுகள், சாதிச்சான்றுகள், மற்றும் வருவாய் துறையினரால் நிறைவேற்றப்பட வேண்டிய கோரிக்கைகள் குறித்த விண்ணப்பங்கள் ஆய்வு செய்யப்பட்டு உடனடியாக பொதுமக்களின் கோரிக்கைகள் நிறைவேற்றப்பட உள்ளது.இந்த முகாம்களில் பொதுமக்கள் தங்கள் கோரிக்கை மனுக்களை அளித்து பயனடையுமாறு கேட்டுக்கொள்ளப்படுகிறார்கள்.
