முத்துக்கிளி – முத்தாலங்குறிச்சி காமராசு

Description

(புதுமைப்பித்தன் நாவல் போட்டி 2024 – இரண்டாம் பரிசு பெற்ற நாவல்)

முத்தாலங்குறிச்சி காமராசு அவர்கள் எழுதி, புதுமைப்பித்தன் நாவல் போட்டி 2024-இல் இரண்டாம் பரிசு பெற்ற நாவல் இது. கிராமத்திலிருந்து காணாமல் செல்லும் ஓர் இளம் பெண்ணின் கதையை இது விவரிக்கிறது. அந்தப் பெண்ணைத் தேடி அவளது தந்தையும், பேரனும் மேற்கொள்ளும் பயணமும், அதன் காட்சிகளும் அசல் கிராமத்து நடையில் தத்ரூபமாக எழுதப்பட்டுள்ளன.

1996-ஆம் ஆண்டில் வாழ்ந்த முத்துக்கிளியையும், 2022-ஆம் ஆண்டில் வாழும் முத்துக்கிளியையும் இணைக்கும் விதமாக இந்த நாவல் படைக்கப்பட்டுள்ளது. கதையின் போக்கில் மும்பை மாநகர வாழ்வியலைப் படம் பிடித்துக் காட்டும் ஆசிரியர், திருநங்கைகளின் வரலாற்றையும் மிகச் சிறப்பாகப் பதிவு செய்துள்ளார்.

பனைத் தொழில் செய்யும் குடும்பத்திலிருந்து கிளம்பிச் செல்லும் முத்துக்கிளி, ஏன் மும்பைக்குச் சென்றாள்? அது காதலா? அல்லது கடத்தல் கும்பலின் சதி வேலையா? என வாசகர்கள் எண்ணும் வேளையில், எவரும் எதிர்பாராத ஒரு திருப்புமுனையை ஆசிரியர் வைத்துள்ளார். அது வாசகர்களைப் பெரிதும் கவரும் விதத்தில் அமைந்துள்ளது. அந்த விறுவிறுப்பான மர்மத்தைக் கண்டறிய ‘முத்துக்கிளி’ நாவலை முழுமையாக வாசித்துப் பாருங்கள்!