தூத்துக்குடியில் வானிலை எச்சரிக்கை காரணமாக கடலுக்கு செல்லாத நிலையில் இன்று 3 நாட்களுக்கு பின்னர் விசைப்படகு மீனவர்கள் மீன்பிடிக்க கடலுக்கு சென்றனர்.
தூத்துக்குடி மீன்பிடி துறைமுகத்தில் இருந்து 272 விசைப் படகுகளில் சுழற்சி முறையில் மீனவர்கள் கடலுக்குள் சென்று மீன் பிடித்து வருகின்றனர். இதனிடையே தூத்துக்குடி மாவட்டத்தில் மிக கனமழை பெய்யும் என்று சென்னை வானிலை ஆய்வு மையம் ஆரஞ்சு எச்சரிக்கை விடுத்தது.
இதன் காரணமாக தூத்துக்குடி மாவட்டத்தில் மீனவர்கள் அக்.17ஆம் தேதி வரை மீன்பிடிக்கச் செல்லவேண்டாம் என்று மீன்துறை உதவி இயக்குநர் அலுவலகம் அறிவித்துள்ளது. இந்த நிலையில் இன்று 3 நாட்களுக்கு பின்னர் விசைப்படகு மீனவர்கள் மீன்பிடிக்க கடலுக்கு சென்றனர். சுழற்சி முறையில் 117 விசைப்படகுகளில் மீனவர்கள் இன்று காலை கடலுக்கு சென்றனர்.
