புதூர் ஊராட்சி ஒன்றியத்துக்கு வழங்கப்பட்டுள்ள ரூ.42.50-லட்சம் மதிப்பிலான மின்கல வண்டிகளை ஜி.வி. மார்கண்டேயன் எம்எல்ஏ கொடியசைத்து துவக்கி வைத்தார்.
தூத்துக்குடி மாவட்டம், புதூர் ஊராட்சி ஒன்றிய அலுவலகத்தில் புதூர் ஊராட்சி ஒன்றியத்துக்கு உட்பட்ட 17- கிராம ஊராட்சிகளுக்கு தூய்மை பாரத இயக்கம் மூலமாக திடக்கழிவு மேலாண்மை திட்டப் பணிகளுக்கு ரூ.42.50-லட்சம் மதிப்பீட்டில் மின்கல வண்டிகளை விளாத்திகுளம் சட்டமன்ற உறுப்பினர் ஜி.வி. மார்கண்டேயன் கொடியசைத்து துவக்கி வைத்தார்.
நிகழ்வில் புதூர் ஊராட்சி ஒன்றிய குழு தலைவர் சுசிலா தனஜெயன், வட்டார வளர்ச்சி அலுவலர்கள் சசிகுமார், வெங்கடாசலம் புதூர் கிழக்கு ஒன்றிய செயலாளர் செல்வராஜ், புதூர் ஒன்றிய செயலாளர்கள் ராதாகிருஷ்ணன், மும்மூர்த்தி, மாவட்ட ஊராட்சி குழு உறுப்பினர் ஞானகுருசாமி, பேரூராட்சி மன்ற தலைவர் வனிதா அழகுராஜ், விளாத்திகுளம் மத்திய ஒன்றிய செயலாளர் ராமசுப்பு, பேரூர் கழகச் செயலாளர் வேலுச்சாமி, ஒன்றிய குழு உறுப்பினர் சுமதி இம்மானுவேல் உட்பட பலர் கலந்து கொண்டனர்.


