தூத்துக்குடியில் நாளை தொழில் முதலீடுகள் மாநாடு: அமைச்சர்கள் பங்கேற்பு

தூத்துக்குடியில் நாளை மாவட்ட அளவிலான தொழில் முதலீடுகள் மாநாடு ஆட்சியர் லட்சுமிபதி தலைமையில் நடைபெற உள்ளது.

சென்னையில் ஜனவரி 7 மற்றும் 8 ஆகிய நாட்களில் உலக முதலீட்டாளர்கள் மாநாடு நடைபெற உள்ளது. இதனை முன்னிட்டு தூத்துக்குடியில் மாவட்ட அளவிலான தொழில் முதலீடுகள் மாநாடு நாளை 30-ந்தேதி வியாழக்கிழமை மாலை 3 மணிக்கு மாவட்ட ஆட்சியர் அலுவலக முத்து அரங்கில் நடைபெற உள்ளது. மாவட்ட தொழில் மையம் பொது மேலாளர் அ.ஸ்வர்ணலதா வரவேற்று பேசுகிறார்.

விழாவிற்கு மாவட்ட ஆட்சியர் கோ.லட்சுமிபதி தலைமை தாங்குகிறார். அமைச்சர்கள் கீதாஜீவன், அனிதா ராதாகிருஷ்ணன் ஆகியோர் முன்னிலை வகிக்கிறார்கள். கனிமொழி எம்.பி. புரிந்துணர்வு ஒப்பந்தங்களை பரிமாறி சிறப்புரை ஆற்றுகிறார். மாநகராட்சி மேயர் பெ.ஜெகன், சட்டமன்ற உ றுப்பினர்கள் எம்.சி.சண்முகையா, ஜி.வி.மார்க்கண்டேயன், ஊர்வசி எஸ்.அமிர்தராஜ், கடம்பூர் செ .ராஜு, மாவட்ட ஊராட்சி தலைவர் பிரம்மசக்தி, துடிசியா தலைவர் நேரு பிரகாஷ், உள்ளிட்டோர் வாழ்த்தி பேசுகிறார்கள்.

தொழில் முனைவோருக்காக செயல்படுத்தப்படும் திட்டங்கள் பற்றி மாவட்ட தொழில் மையம் உதவி இயக்குனர் அகிலா, சிட்கோ திட்டங்கள் பற்றி சிப்காட் திருநெல்வேலி கிளை மேலாளர் செ.சத்யராஜ், தூத்துக்குடி சிப்காட் திட்ட அலுவலர் ஜோண் மேரி, செல்வராணி, தொழில் முதலீட்டு திட்டங்கள் பற்றி தொழில் முதலீ ட்டு கழக தூத்துக்குடி கிளை மேலாளர் அ.கஸ்தூரி ஆகியோர் விளக்கி பேசுகிறார்கள். விழா முடிவில் மாவட்ட தொழில் மையம் (தொழில்கள் ) உதவி பொறியாளர் ரா.ராஜேஷ் நன்றி கூறுகிறார்