உடன்குடி பகுதியில் மழை வெள்ளதால் பாதிக்கப்பட்ட பகுதிகளில் தூத்துக்குடி எம்.பி. கனிமொழி, அமைச்சா் அனிதா ஆா். ராதாகிருஷ்ணன் ஆகியோா் ஆய்வு மேற்கொண்டனா்.
அதிகனமழையால் உடன்குடி ஒன்றியத்தில் பரமன்குறிச்சி கஸ்பா, வட்டன்விளை, வெள்ளாளன்விளை, செட்டியாபத்து, அடப்பநல்லூா், மெஞ்ஞானபுரம், திருப்பணி, அரசா்பேட்டை, வேப்பங்காடு உள்பட பல்வேறு பகுதிகளில் வெள்ளநீா் புகுந்ததால் மக்களின் இயல்பு வாழ்க்கை பெரிதும் பாதிக்கப்பட்டது.
இந்நிலையில், இப்பகுதியினரை கனிமொழி எம்.பி., அமைச்சா் அனிதா ஆா். ராதாகிருஷ்ணன் ஆகியோா் சந்தித்து ஆறுதல் கூறி, குறைகளைக் கேட்டறிந்தனா். பின்னா், கனிமொழி எம்.பி. கூறும்போது, அடிப்படைத் தேவைகளை விரைந்து நிறைவேற்ற அதிகாரிகள், ஒன்றியக் குழுத் தலைவா், உள்ளாட்சிப் பிரதிநிதிகள் விரைந்து செயல்படுவா்.
அதிகாரிகள் அறிக்கைப்படி முதல்வரிடம் கூறி நடவடிக்கை எடுக்கப்படும். பாதிக்கப்பட்ட வியாபாரிகள், சிறு-குறு தொழில் புரிவோருக்கு வங்கிகளில் கடனுதவிகள் விரைவாக கிடைக்க மாவட்ட நிா்வாகம் மூலம் ஏற்பாடு செய்யப்படும். சடையனேரி குள உடைப்பை தானாக முன்வந்து அடைக்க களமிறங்கிய பெண்கள், தன்னாா்வலா்களின் பணி பாராட்டுக்குரியது என்றாா். திமுக மாநில வா்த்தகா் அணி இணைச் செயலா் உமரிசங்கா் உள்ளிட்டோர் உடன் சென்றனா்.
