உடன்குடியில் ஆடு திருடிய 2பேரை போலீசார் கைது செய்தனர்.
தூத்துக்குடி மாவட்டம், உடன்குடி புதுமனை மேலத்தெருவை சேர்ந்த பொன்ராஜ் மனைவி புஷ்பக்கனி. இவர் வீட்டில் 3 ஆடுகள் வளர்த்து வந்தார். சம்பவத்தன்று காலையில் ஆடுகளை வீட்டுக்கு வெளியே மேய்ச்சலுக்காக அவிழ்த்து விட்ட அவர், வேலைக்கு சென்றார். மாலையில் திரும்பி வந்த போது 3 ஆடுகளையும் மர்மநபர்கள் திருடி சென்றது தெரிய வந்தது.
இதுகுறித்து அவர் அளித்த புகாரின் பேரில் குலசேகரன்பட்டினம் போலீசார் வழக்குப்பதிவு செய்து விசாரணை நடத்தினர். இதில், அந்த ஆடுகளை உடன்குடி சாதரக்கோன்விளையை சேர்ந்த சுப்பையா மகன் கந்தன் என்ற மாட்டு கந்தன் (50), துர்க்கையம்மன் கோவில் தெருவை சேர்ந்த ராஜ்குமார் மகன் நாகராஜா (26) ஆகியோர் திருடி சென்றது தெரியவந்தது. உடனடியாக அந்த 2பேரையும் போலீசார் கைது செய்தனர்.
