தூத்துக்குடியின் பல பகுதிகளில் தொடர் சாரல் மழை பெய்து வருகிறது.
தென் தமிழகம் மற்றும் அதனை ஒட்டிய பகுதிகளின் மேல் நிலவும் வளிமண்டல கீழடுக்கு சுழற்சி காரணமாக இன்று தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் தெரிவித்திருந்தது.
இதனிடையே தூத்துக்குடியில் கடந்த சில நாட்களாகவே பனிப்பொழிவு அதிகமாக இருந்தது. இந்நிலையில், தூத்துக்குடியில் இன்று அதிகாலை தொடங்கி பரவலாக சாரல் மழை பெய்தது. புதுக்கோட்டை வாகைகுளம், மட்டக்கடை, திரேஸ்புரம், டூவிபுரம் உள்ளிட்ட பல்வேறு பகுதிகளில் மிதமான மழை பெய்தது.
