தூத்துக்குடியில், இந்தியன் வங்கியில் இன்று 2வது நாளாக நெட்வொர்க் பிரச்சனை தொடர்வதால் வங்கி சேவை பாதிக்கப்பட்டு, வாடிக்கையாளர்கள் அவதியடைந்தனர்.
தூத்துக்குடி பீச் ரோட்டில், சப் கலெக்டர் அலுவலகம் அருகே இந்தியன் வங்கியின் பிரதான கிளை இயங்கி வருகிறது. இந்த கிளையை ஆயிரக்கணக்கான வாடிக்கையாளர்கள் பயன்படுத்தி வருகின்றனர். இந்த நிலையில் நேற்று முதல் வங்கியில் நெட்வொர்க் முடங்கியது. இதனால் வங்கியில் வாடிக்கையாளர்கள் பணம் எடுப்பது, டெபாசிட் செய்வது, மற்றும் மற்ற பணப் பரிவர்த்தனைகளை மேற்கொள்வதில் சிரமம் ஏற்பட்டுள்ளது.
மேலும் இன்று காலையிலும் நெட்வொர்க் கோளாறு சரி செய்யப்படவில்லை. இதனால் பல்வேறு அலுவல் இடையே வங்கியில் காத்திருந்த வாடிக்கையாளர்கள் பெரும் சிரமத்திற்குள்ளாகினர். இதுகுறித்து வங்கி அதிகாரிகளிடம் கேட்டபோது, நெர்வொர்க் பிரச்சனை தொடர்பாக வங்கியில் ஒரு கருவி மாற்றப்பட்டது. அதன் பின்னரும் சரி செய்ய முடியவிலலை. எனினும் இப்பிரச்சனைக்கு விரைவில் தீர்வு காணப்படும் என்று தெரிவித்தனர்.
