தூத்துக்குடி அருகே சிறுமிக்கு பாலியல் தொல்லை கொடுத்த லாரி டிரைவரை போக்சோ சட்டத்தில் போலீசார் கைது செய்தனர்.
தூத்துக்குடி மாவட்டம் ஸ்ரீவைகுண்டம் அருகேயுள்ள மீனாட்சிபட்டி கிராமத்தைச் சேர்ந்தவர் கணேசன் மகன் மகேஷ்குமார் என்ற கபாலி (20). லாரி டிரைவர். இவர் 17 வயது சிறுமிக்கு பாலியல் தொல்லை கொடுத்துள்ளார். இதுகுறித்து ஸ்ரீவைகுண்டம் அனைத்து மகளிர் காவல் நிலையத்தில் புகார் அளிக்கப்பட்டுள்ளது. அதன் பேரில் இன்ஸ்பெக்டர் லட்சுமி பிரபா விசாரணை நடத்தி, போக்சோ சட்டத்தில் மகேஷ்குமார் என்கிற கபாலியை கைது செய்தார்.
