ஸ்ரீவைகுண்டம் பகுதியில் நகர்புற உள்ளாட்சித்தேர்தல் பாதுகாப்பு பணி குறித்து காவல்துறையினர் கொடி அணிவகுப்பு நடந்தது.
ஸ்ரீவைகுண்டத்தில் வருகின்ற 19.02.2022 அன்று நடைபெறவுள்ள நகர்ப்புற உள்ளாட்சி தேர்தல் பாதுகாப்பை முன்னிட்டு காவல்துறையினரின் கொடி அணிவகுப்பு நடந்தது.
இந்த அணிவகுப்பை தூத்துக்குடி மாவட்ட காவல் கண்காணிப்பாளர் ஜெயக்குமார் தலைமை வகித்து தொடங்கி வைத்தார். ஸ்ரீவைகுண்டம் பெரும்பத்து பகுதியில் தொடங்கிய இந்த கொடி அணிவகுப்பு மேட பிள்ளையார் கோவில் தெரு, பஸ் டிப்போ, சந்நதி தெரு, பழைய தாலுகா அலுவலக ஜங்கஷன் வழியாக தேவர் சிலை பகுதியில் நிறைவடைந்தது. இதில் தமிழ்நாடு சிறப்பு காவல் படையினர் மற்றும் உள்ளூர் போலிசார் உட்பட 70 பேர் கலந்து கொண்டனர்.
அதே போல் ஸ்ரீவைகுண்டம் அருகே உள்ள ஆழ்வார்திருநகரியில் மாவட்ட காவல் கண்காணிப்பாளர் தலைமையில் கொடி அணிவகுப்பு நடந்தது. இந்த அணிவகுப்பில் ஸ்ரீவைகுண்டம் காவல் துணை கண்காணிப்பாளர் வெங்கடேசன், ஸ்ரீவைகுண்டம் காவல் நிலைய ஆய்வாளர் அன்னராஜ், செய்துங்கநல்லூர் காவல் நிலைய ஆய்வாளர் அருள், ஆழ்வார்திருநகரி காவல் நிலைய ஆய்வாளர் மணிவண்ணன், ஸ்ரீவைகுண்டம் குற்ற பிரிவு காவல் ஆய்வாளர் ராமகிருஷ்ணன், ஏரல் காவல் நிலைய ஆய்வாளர் மேரி ஜெமிதா உள்பட காவல் துறையினர் கலந்து கொண்டனர்.
