தூத்துக்குடியில் கிறிஸ்தவ ஆலயத்திற்கு காவல்துறை இடையூறு : ஆட்சியரிடம் புகார்

இந்த ஆலயத்தில் பல மதத்தினரும் வழிபாடு செய்து வருகின்றனர். இந்த ஆலயம் குருஸ்புரம், புனித சூசையப்பர் ஆலயத்தின் கட்டுப்பாட்டில் இருந்து வருகின்றது. இந்நிகழ்வுகள் அனைத்தும் மாவட்ட நிர்வாகத்துறையும் துறையும் அறிந்த ஒன்றாகும். ஆனால் கடந்த சில ஆண்டுகளாக இந்த ஆலயத்திற்கு அருகில் உள்ள வடபாகம் காவல்துறையால் மிகுந்த நெருக்கடி தரப்படுகிறது.

குறிப்பாக சென்ற முறை ஏற்பட்ட பெருவெள்ளத்தின் போது, மாவட்ட காவல்துறை கண்காணிப்பாளர் இல்லமும், வளாகமும் மழை நீரால் சூழ்ந்து இருந்த பொழுது, அந்த வெளியேற்றுவதற்காக ஒரு வாய்க்கால் போல தோண்டி ஆலயத்திற்கு மழை நீரை வருகின்ற பாதையை சிதைத்து விட்டார்கள். ஆலயம் வரும் பாதையை சிதைத்து விட்டதால், மாற்று வழியில்லாமல் பக்தர்கள் மிகுந்த கஷ்டத்திற்கு உள்ளானார்கள்.

மேலும் சிறப்பு போலீசார் ஒரு பேருந்தில் வந்து, இந்த ஆலயத்திற்கு வடக்கில் உள்ள திரேஸ்புரம் மக்கள் வரும் பாதையை முற்றிலுமாக உடைமறைங்கள் கொண்டு அடைத்து, மக்களுக்கு மிகுந்த சிரமங்களை உண்டு பண்ணினார்கள். பின்னர் அப்பகுதி பெண்களும், பெரியவர்களும் நூற்றுக்கணக்கில் திரண்டு வந்து அந்தப் பாதையை காவலர்கள் முன்னிலையே அப்புறப்படுத்தினார்கள்.

தற்போதும் ஆலயத்தில் சில பராமரிப்பு பணிகள் துவங்கிய பொழுது, மீண்டும் வடபாகம் காவல்துறை எங்களிடம் வந்து இப்பணிக்கு இடையூறு செய்கிறார்க்ள. திட்டமிட்டு இருநூறு ஆண்டுகளாக கிறிஸ்தவ மக்களால் ஆராதிக்கப்பட்டும் வந்த இந்த ஆலயத்தை அப்புறப்படுத்த செயல்படுகிறார்களோ என்று எங்களுக்கு ஐயப்பாடு எழுந்துள்ளது. எனவே, இந்த ஆலயத்தை மழை நீர் பாதிக்காதவாறு செய்கின்ற பணிகளுக்கும் தற்போது தடுத்து வைத்துள்ள பணிகளுக்கு எந்த இடையூறும் காவல்துறை செய்யக்கூடாது என்று மாவட்ட ஆட்சியர் உத்தரரவிட வேண்டும் என்று கோரிக்கை விடுத்துள்ளனர்.