தூத்துக்குடியில் சரக்கு வாகனத்தில் கடத்தி வந்த 1800 கிலோ ரேஷன் அரிசியை போலீசார் பறிமுதல் செய்து, டிரைவரை கைது செய்தனர்.
தூத்துக்குடியில் கடலோர காவல் படை போலீஸ் இன்ஸ்பெக்டர் பேச்சிமுத்து தலைமையிலான போலீசார் கிழக்கு கடற்கரை சாலைரோட்டில் வெள்ளப்பட்டி சோதனை சாவடியில் வாகன சோதனையில் ஈடுபட்டிருந்தபோது அதிகாலை 3 மணி அளவில் வந்த டாடா ஏஸ் வாகனத்தை நிறுத்தி சோதனை செய்தனர்.
அதில் 40 சாக்கு பைகளில் மொத்தம் 1800 கிலோ ரேஷன் அரிசி இருந்தது, இந்த ரேஷன் அரிசியை வெளி மாநிலத்திற்கு கடத்த முயன்றது தெரியவந்தது. இது தொடர்பாக அந்த வாகனத்தை ஓட்டி வந்த தூத்துக்குடி முத்தையாபுரத்தை சேர்ந்த சுந்தர்ராஜ் மகன் செல்வகுமார் (33) என்பவரை போலீசார் கைது செய்து விசாரணை நடத்தி வருகின்றனர். கடத்தப்பட்ட ரேஷன் அரிசு மற்றும் வாகனம் உணவு பாதுகாப்பு துறையிடம் ஒப்படைக்கப்பட்டது.
