சென்னையில் வெள்ளத்தால் பாதிக்கப்பட்ட பெரம்பூர் பகுதியில் வசிக்கும் மக்களுக்கு மேல்மருவத்தூர் செவ்வாடை பக்தர்கள் உணவுப் பொருட்களும் தண்ணீரும் வழங்கினர்.
மிக்ஜாம் புயலால் ஏற்பட்ட வரலாறு காணாத அதி கனமழையால் பாதிக்கப்பட்ட சென்னை மற்றும் புறநகர் பகுதிகளில் ஏற்பட்ட வெள்ளத்தால் பொதுமக்களின் இயல்பு வாழ்கை பாதிக்கப்பட்டுள்ளது. இந்நிலையில், மேல்மருவத்தூர் சித்தர்பீடம் ஆன்மிக குரு பங்காரு அடிகளார் அவர்களின் அருளாசியுடன் பக்தர்கள் நிவாரண உதவிகளை வழங்கி வருகி்னறனர்.
வெள்ளத்தால் பாதிக்கப்பட்ட பெரம்பூர் பகுதியில் வெள்ளம் சூழ்ந்த குடியிருப்புகளில் வசிக்கும் மக்களுக்கு செவ்வாடை பக்தர்கள் உணவுப் பொருட்களும் தண்ணீரும் வழங்கினர். இதுபோல் சென்னையில் வெள்ளம் சூழ்ந்துள்ள பல்வேறு பகுதிகளிலும் மேல்மருவத்தூர் ஆன்மிக இயக்கத்தினர் உணவு, குடிநீர் மற்றும் அத்தியாவசிய பொருட்கள் வழங்கி தொண்டு செய்து வருகின்றனர்.


