தூத்துக்குடி புனித மரியன்னை பெண்கள் கல்லூரியில் 593 மாணவியருக்கு தமிழக அரசின் இலவச மடிக்கணினிகளை அமைச்சர் பி. கீதா ஜீவன் வழங்கினார்.
தூத்துக்குடி புனித மரியன்னை பெண்கள் கல்லூரியில் 593 மாணவியருக்கு தமிழக அரசின் இலவச மடிக்கணினிகளை மாவட்ட ஆட்சியர் க. இளம்பகவத் தலைமையில் அமைச்சர் பி. கீதா ஜீவன் வழங்கி பேசும்போது, தமிழகத்தின் பொருளாதார வளர்ச்சி 11.19 சதவீதம் என மத்திய அரசின் புள்ளிவிவரம் கூறுகிறது.
அதேபோல, உழைக்கும் மகளிர் அதிகமுள்ள மாநிலம் தமிழ்நாடு. வறுமைக்கோட்டின்கீழ் உள்ள மக்களின் எண்ணிக்கை குறைவான மாநிலம் தமிழ்நாடு. மாணவர், மாணவிகளுக்கு மடிக்கணினி வழங்குவது, வேலைவாய்ப்புக்கு மிகவும் உதவும் என்றார்.
விழாவில் திட்ட அலுவலர் நாகராஜன், கல்லூரிச் செயலர் குழந்தை தெரசா, கல்லூரி முதல்வர் ஜெஸி பர்ணான்டோ உள்ளிட்டோர் கலந்துகொண்டனர்.
