செய்துங்கநல்லூர் சேவியர் பாலிடெக்னிக் கல்லூரியில் 35 வது ஆண்டு துவக்கவிழா நடந்தது. புனித வளனார் மீனவர் அறக்கட்டறை செயலாளர் ரோசாரியோ ராயன் தலைமை வகித்தார். கல்லூரி நிர்வாகி ஜெயராஜ்.வி. ராயன் முன்னிலை வகித்தார். கல்லூரி முதல்வர் ஆவுடையப்பன் வரவேற்றார். பாளையங்கோட்டை தூய சவேரியார் மேல்நிலைப்பள்ளி தலைமை ஆசிரியர் அருட்தந்தை அகஸ்டின் ஜான் பீட்டர் சிறப்புரையாற்றினர்.
முதலாமாண்டு துறை தலைவர் வெங்கடேஷ் நன்றி கூறினார். நிகழ்ச்சியை ஆங்கில துறை விரிவுரையாளர்கள் மரிய பிந்து, புஷ்பா ஆகியோர் தொகுத்து வழங்கினர். துணை முதல்வர் அன்சலாம் ரோசர், துறைத்தலைவர்கள் அமலன், ஜாய்ஸ் மேரி, ஆறுமுகசேகர், ஜான் செண்பகத்துரை, ரோசால் புஷ்பா, அலுவலக கண்காணிப்பாளர் கணேசன் உள்பட பலர் கலந்துகொண்டனர். முன்னதாக நடந்த சிறப்பு திருப்பலியில் அருட்தந்தை அகஸ்டீன் ஜான் பீட்டர் , செய்துங்கநல்லூர் பங்கு தந்தை ஆரோக்கிய லாசர் ஆகியோர் கலந்துகொண்டனர்.
இதற்கான ஏற்பாடுகளை கல்லூரி தாளாளர் டாக்டர் ஸ்டீபன் தலைமையில் ஆசிரியர்கள் மற்றும் பணியாளர்கள் செய்திருந்தனர்.
