சடையனேரி கால்வாய்க்கு தண்ணீர் தரும் தலை மடையான கால்வாய் குளம் நிரம்பியுள்ளது. எனவே சடையனேரிக்கு மதகை திறந்து வைத்துள்ளனர். இதனால் மதகு வழியாக சடையனேரி கால்வாய்க்கு தண்ணீர் பெருக்கெடுத்து ஓடுகிறது. ஆனாலும் கூடுதல் கவனம் செலுத்தி கால்வாய் குளத்தின் கரையை உயர்த்தி வடிகாலை மேம்படுத்தினால் சடையனேரி கால்வாய்க்கு கூடுதல் தண்ணீர் எடுக்கலாம். சடையனேரி கால்வாய்க்கு தண்ணீர் கொண்டு செல்ல 25 கோடிக்கு மேல் கடந்த 30 ஆண்டுகளில் தமிழக அரசு பணம் செலவழித்து உள்ளது. ஆனாலும் கால்வாய் குளத்தினை தூர் வாரி, கரைகளை உயர்த்தினால் மட்டுமே இந்த திட்டம் முழுமை பெறும்.
