தூத்துக்குடி மாவட்டக் காவல்துறை அலுவலகத்தில் வாராந்திர பொதுமக்கள் குறைதீர்க்கும் கூட்டம் இன்று நடைபெற்றது.
தமிழ்நாடு காவல்துறை தலைமை இயக்குநரின் உத்தரவின்படி, தூத்துக்குடி மாவட்டக் காவல் அலுவலகத்தில் ஒவ்வொரு வாரமும் புதன்கிழமைதோறும் பொதுமக்கள் தங்கள் குறைகளைத் தெரிவிக்க குறைதீர்க்கும் கூட்டம் நடத்தப்பட்டு வருகிறது. இன்று காவல்துறை கூடுதல் கண்காணிப்பாளர் ஆறுமுகம் தலைமையில் குறைதீர்க்கும் கூட்டம் நடைபெற்றது.
இன்றைய கூட்டத்தில் மொத்தம் 45 மனுதாரர்கள் கலந்துகொண்டு தங்கள் புகார் மனுக்களை நேரடியாக வழங்கினர்.பொதுமக்களின் குறைகளை விரிவாகக் கேட்டறிந்த கூடுதல் கண்காணிப்பாளர், பெறப்பட்ட மனுக்கள் மீது உடனடியாக விசாரணை மேற்கொண்டு தகுந்த நடவடிக்கை எடுக்குமாறு சம்பந்தப்பட்ட காவல்துறை அதிகாரிகளுக்கு உத்தரவிட்டார்.
