திருப்பரங்குன்றத்தில் தீபம் ஏற்றாத விவகாரத்தில், தற்கொலை செய்து கொண்ட முருக பக்தர் பூர்ண சந்திரனுக்கு தூத்துக்குடியில் இந்து முன்னணியினர் அஞ்சலி செலுத்தினர்.
தூத்துக்குடி மாநகர மாவட்ட தலைவர் இசக்கி முத்துகுமார் தலைமையில் சிவன் கோவில் தேரடி அருகில் இருந்து ஊர்வலமாக சென்று வைகுண்டபதி பெருமாள் கோவிலில் மோச தீபம் ஏற்றப்பட்டது. பிஜேபி கிழக்கு மண்டல தலைவர் ராஜேஷ் கனி முன்னிலை வகித்தார்.மேற்கு மண்டல தலைவர் சுதாகர் தலைமையில் டுவிபுரம் 5 தெருவில் மோட்ச தீபம் ஏற்றப்பட்டது. சரவணகுமார், நாராயண ராஜ் மாவட்ட பொதுச் செயலாளர் மேற்கு மண்டல துணை தலைவர் ஆறுமுகம் சிறப்பு அழைப்பாளராக கலந்து கொண்டனர்.
வடக்கு மண்டலம் சுந்தரவேல் புரம் மெயின் அம்பேத்கார் நகர் எதிரில் பாலமுருகன் கோபி தலைமையில் மோட்ச தீபம் ஏற்றப்பட்டது. கிழக்கு மண்டலம் தச்சர் தெருவில் மாநகர மாவட்ட துணைத் தலைவர் ஆதிநாதன் ஆழ்வார் தலைமையில் மோட்ச தீபம் ஏற்றப்பட்டது. இந்நிகழ்வில் மாவட்ட பொறுப்பாளர்கள் மண்டல தலைவர்கள் கிளை பொறுப்பாளர்கள் ஆயாம் பொறுப்பாளர்கள் பரிவார அமைப்பை சார்ந்தவர்களும் கலந்து கொண்டனர்.
