நாசரேத் அருகே உள்ள இடையன்விளை பரி. இம்மானுவேல் ஆலயத்தில் இந்திய மிஷனெரி சங்க (ஐ.எம்.எஸ்.) மிஷனெரி பிரதிஷ்டை விழா சிறப்பு ஆராதனை நடைபெற்றது.
ஆராதனைக்கு நாலுமாவடி சேகர குருவானவர் ஆபிரகாம் ரஞ்சித் டேரல் தலைமை தாங்கினார். ஐ.எம்.எஸ். குருவானவர் கிறிஸ்டியான், இடையன்விளை சபை ஊழியர் சுந்தர்ராஜன் ஆகியோர் முன்னிலை வகித்தனர். சிறப்பு மிஷனெரி பிரதிஷ்டை ஆராதனைக்கு ஆரம்பமாக ஐ.எம்.எஸ். குருவானவர் சாமுவேல் ரவி ஜெபம் செய்து இறை செய்தியளித்தார்.
குருவானவர் ஆபிரகாம் ரஞ்சித் டேரல் உத்திர பிரதேசம் மாநிலத்தில் ஐ.எம்.எஸ். ஊழியம் செய்து வருகிற மிஷனெரி காலேப் ராஜாவை பிரதிஷ்டை செய்து வைத்தார். தொடர்ந்து இடையன்விளை பரி. இம்மானுவேல் ஆலய பரிபாலனக் குழுத் தலைவர் ஏ.எம்.விஜயராஜா செயலாளர் சுதாகர் சைமன்ராஜ், பொருளாளர் ஜெயக்குமார் டேவிட் மற்றும் சபை மக்கள் சார்பில் ஐ.எம்.எஸ். மிஷனெரி காலேப் ராஜாவிற்கு பரிசு பொருட்கள் வழங்கினர்.
