தொழுநோய் மருத்துவமனையில் கிறிஸ்மஸ் பொம்மைகள், மெழுகுவர்த்தி விற்பனை!

தூத்துக்குடி புனித ஜோசப் தொழுநோய் மருத்துவமனையில் கிறிஸ்மஸ் புத்தாண்டை முன்னிட்டு வண்ண வண்ண பொம்மைகள், மெழுகுவர்த்தி தயாரித்து விற்பனை செய்கின்றனர்.

தூத்துக்குடி அருகே உள்ள ஆரோக்கியபுரம் புனித ஜோசப் தொழு நோய் மருத்துவமனை அருட்சகோதரிகளால் பல ஆண்டுகளாக சிறப்பாக செயல்பட்டு வருகிறது இங்கு சிறந்த தொழிலாளர்களைக் கொண்டு பல ஆண்டுகளாக கிறிஸ்தவ தேவாலயங்களுக்கு தேவையான மெழுகுவர்த்திகள் செய்து விற்பனை செய்யப்பட்டு வருகிறது.10 ரூபாய் முதல் 150 ரூபாய் வரை கோவில்களுக்கு மெழுகுவர்த்திகள் தயாரித்து விற்பனை செய்கின்றனர்.

அது போல் கிறிஸ்மஸ் மற்றும் புத்தாண்டை முன்னிட்டு உறவினர்களுக்கு மற்றும் நண்பர்களுக்கு பரிசாக வழங்கிட தங்கள் வீடுகளில் அலங்கார பொருட்களாக வைத்திட கிறிஸ்மஸ் தாத்தா பொம்மை, கிறிஸ்மஸ் மரம் போன்ற பொம்மைகள் விற்பனை செய்யப்படுகிறது. மெழுகுவர்த்திகள் 30 ரூபாய் 50 ரூபாய் 60 ரூபாய் 100 ரூபாய் 120 ரூபாய் போன்ற விலைகளில் கிடைக்கிறது. பல்வேறு ஊர்களில் இருந்தும் பள்ளி மற்றும் கல்லூரி மாணவிகள் வந்து வாங்கி செல்கின்றனர்.