தூத்துக்குடியில் தடை செய்யப்பட்ட கேரளா லாட்டரி விற்பனை செய்த வாலிபரை போலீசார் கைது செய்தனர்.
தூத்துக்குடியில், தாளமுத்துநகர் போலீஸ் சப்-இன்ஸ்பெக்டர் முத்துராஜா மற்றும் போலீசார் ரோந்து பணியில் ஈடுபட்டு இருந்தபோது, டேவிஸ்புரம் சந்திப்பில் சந்தேகத்திற்கு இடமான முறையில் நின்றவரை பிடித்து விசாரணை நடத்தினர். இதில், அவர் சிலுவைப்பட்டியை சேர்ந்த கிருஷ்ணன் மகன் ரமேஷ் (34) என்பதும் தடை செய்யப்பட்ட கேரளா லாட்டரி சீட்டு எண்களை எழுதி வைத்து விற்பனை செய்தது கண்டுபிடிக்கப்பட்டது. உடனடியாக போலீசார் வழக்குப்பதிவு செய்து அவரை கைது செய்தனர்.
