தூத்துக்குடியில் ஆர்ஆர் பிரியாணி கடை : அமைச்சர் கீதாஜீவன் திறந்து வைத்தார்

தூத்துக்குடியில் ஸ்பின்னிங் மில் காம்ப்ளக்ஸில் புதிதாக சேலம் ஆர்ஆர் பிரியாணி கடையை அமைச்சர் கீதா ஜீவன் தொடங்கி வைத்தார்.

தமிழகத்தில் சேலம் ஆர்.ஆர். பிரியாணி என்பது பல கிளைகளுடன் பிரியாணி மற்றும் சீன உணவுகளை வழங்கும் ஒரு பிரபல உணவகமாகும். சேலத்தில் தள்ளுவண்டி கடையில் தொடங்கி இன்று உலகளவில் பிரபலமடைந்துள்ளது. இந்த உணவகம் மட்டன் பிரியாணிக்கு சிக்கன் 65 இலவசமாக வழங்குவது, பக்கெட் பிரியாணிக்கு இலவச முன்பதிவு செய்வது போன்ற பல்வேறு சலுகைகளை வழங்குகிறது.

இந்த நிலையில், தூத்துக்குடி தமிழ்ச் சாலையில் ஸ்பின்னிங் மில் காம்ப்ளக்ஸில் புதிதாக சேலம் ஆர்ஆர் பிரியாணி கடை திறப்பு விழா நடைபெற்றது. ஆர்ஆர் பிரியாணி கடை உரிமையாளர் தமிழ்ச்செல்வன் வரவேற்றார். சமூக நலன் மற்றும் மகளிர் உரிமைத்துறை அமைச்சர் கீதா ஜீவன் புதிய கிளையை திறந்து வைத்தார். விழாவில் மாநகர செயலாளர் ஆனந்தசேகரன், திமுக நிர்வாகிகள் ஜீவன் ஜேக்கப், டாக்டர் மகிழ்ஜான் ஜீவன், மதிமுக மாவட்ட செயலாளர் ரமேஷ் உட்பட பலர் கலந்து கொண்டனர்.