தூத்துக்குடியில் கூடுதல் விலைக்கு மது விற்பனை செய்யப்படுவதாக புகார் குறித்து செய்தி சேகரிக்க சென்ற நிருபர் தாக்கப்பட்ட சம்பவம் பரபரப்பை ஏற்படுத்தியுள்ளது.
தூத்துக்குடி கோரம்பள்ளத்தைச் சேர்ந்தவர் பாலசுப்பிரமணியன். இவர் தனியார் நாளிதழில் நிருபராக பணிபுரிந்து வருகிறார். நேற்று இரவு இவருக்கு ஒரு போன் கால் வந்துள்ளது. அதில் பேசிய நபர், எப்சிஐ குடோன் எதிரே உள்ள டாஸ்மாக் கடையில் நிர்ணயித்த விலையை விட கூடுதல் விலைக்கு மது விற்பதாக புகார் கூறியுள்ளார்.
இதையடுத்து பாலசுப்பிரமணியன் அந்த டாஸ்மாக் கடைக்கு நேரில் சென்று செய்தி சேகரிக்க சென்றுள்ளார். டாஸ்மாக் ஊழியர்களிடம் விசாரித்தபோது ஊழியர்கள் 5பேர் சேர்ந்து பாலசுப்பிரமணியனை கடுமையாக தாக்கினார்களாம். இதுகுறித்து தகவல் அறிந்து சென்ற போலீசார் பாலசுப்பிரமணியத்தை மீட்டு தூத்துக்குடி அரசு மருத்துவமனையில் சேர்த்தனர். மேலும் இதுகுறித்து விசாரணை நடத்தி வருகின்றனர்.
