தூத்துக்குடியில் மக்கள் குறைதீர்க்கும் கூட்டத்தில் மக்கள் அதிகளவில் வராததால் கூட்டமின்றி, மாவட்ட ஆட்சியர் அலுவலகம் வெறிச்சோடி காணப்பட்டது.
திருச்செந்தூர் சுப்பிரமணிய சுவாமி கோவிலில் மஹா கும்பாபிஷேக விழா இன்று காலை கோலகலமாக நடந்தது. இவ்விழாவை முன்னிட்டு தூத்துக்குடி மாவட்டத்தில் பள்ளி, கல்லூரிகளுக்கு உள்ளூர் விடுமுறை அறிவிக்கப்பட்டது. இந்நிலையில், மாவட்ட ஆட்சியர் அலுவலகத்தில் ஆட்சியர் தலைமையில் மக்கள் குறைதீர்க்கும் நாள் கூட்டம் வழக்கம் போல் நடைபெற்றது.
வழக்கமாக திங்கட்கிழமை நடைபெறும் குறைதீர்க்கும் நாள் கூட்டத்தில் மனு அளிக்க மக்கள் கூட்டம் அதிகளவில் காணப்படும். ஆனால் இன்று மனு அளிக்க மக்கள் அதிகளவில் வரவில்லை. ஒரு சிலரே மனு அளித்தனர். இதனால் மக்கள் கூட்டமின்றி ஆட்சியர் அலுவலகம் வெறிச்சோடி காணப்பட்டது.
