தூத்துக்குடியில் கொலை வழக்கில் சம்பந்தப்பட்ட 4 பேர் குண்டர் தடுப்பு சட்டத்தின் கீழ் சிறையில் அடைக்கப்பட்டனர்.
தூத்துக்குடி வடபாகம் காவல் நிலைய எல்லைக்குட்பட்ட திரேஸ்புரம் கடற்கரை பகுதியில் வைத்து கடந்த 21.04.2025 அன்று திரேஸ்புரம் பகுதியைச் சேர்ந்த செந்தூர்பாண்டி மகன் தங்கராஜா (எ) ராஜா (28) என்பவரை முன்விரோதம் காரணமாக கொலை செய்த வழக்கில் சம்பந்தப்பட்ட தூத்துக்குடி S.S மாணிக்கபுரம் பகுதியைச் சேர்ந்தவர்களான மரிய சூசை ஸ்டாலின் மகன் சிலுவை ஆகாஷ் (எ) ஆகாஷ் (24), தாசன் மகன் நக்சன் (20),
லூர்தம்மாள்புரத்தைச் சேர்ந்த ஸ்டீபன் மகன் மரிய தாமஸ் டினோ (எ) டினோ (24), கீழ அலங்காரதட்டு பகுதியைச் சேர்ந்த அந்தோணிசாமி மகன் மைக்கேல் ஜோவின் (எ) ஜோவின் (19) ஆகிய 4 எதிரிகளை மாவட்ட காவல் கண்காணிப்பாளர் ஆல்பர்ட் ஜான் பரிந்துரையின்படி மாவட்ட ஆட்சித் தலைவர் க. இளம்பகவத் உத்தரவின் பேரில் நேற்று வடபாகம் காவல் நிலைய போலீசார் குண்டர் தடுப்பு சட்டத்தின் கீழ் கைது செய்து சிறையில் அடைத்தனர்.
