விளாத்திகுளத்தில் புதிய மகளிர் இலவச பேருந்து சேவை: மார்கண்டேயன் எம்எல்ஏ துவக்கி வைத்தார்!

விளாத்திகுளத்தில் இருந்து இருக்கன்குடிக்கு புதிய மகளிர் இலவச பேருந்து சேவையை மார்கண்டேயன் எம்எல்ஏ கொடியசைத்து துவக்கி வைத்தார்.

தூத்துக்குடி மாவட்டம் விளாத்திகுளத்திலிருந்து ஆற்றங்கரை N.வேடப்பட்டி, தாப்பாத்தி, சக்கிலிபட்டி, கைலாசபுரம் வழியாக இருக்கன்குடிக்கு மகளிர் இலவச பயண புதிய பேருந்து வழித்தடத்தை விளாத்திகுளம் சட்டமன்ற உறுப்பினர், சட்டமன்ற சட்டவிதிகள் ஆய்வு குழு தலைவர், தலைமை செயற்குழு உறுப்பினர் மார்கண்டேயன் கொடியசைத்து துவக்கி வைத்தார்.

இந்நிகழ்வில் விளாத்திகுளம் பணிமனை மேலாளர் A.M.சாமி, விளாத்திகுளம் கிழக்கு ஒன்றிய செயலாளர்கள் சின்னமாரிமுத்து, அன்புராஜன், மும்மூர்த்தி, செல்வராஜ், விளாத்திகுளம் பேரூர் கழக செயலாளர் வேலுச்சாமி, விளாத்திகுளம் பேரூராட்சி மன்ற தலைவர் சூர்யா அய்யன்ராஜ்,மாவட்ட முன்னாள் இளைஞர் அணி துணை அமைப்பாளர் இமானுவேல், மாவட்ட பிரதிநிதிகள்,விளாத்திகுளம் சட்டமன்றத் தொகுதி தகவல் தொழில்நுட்ப அணி ஒருங்கிணைப்பாளர் ஸ்ரீதர் உட்பட பலர் கலந்து கொண்டனர்.