தூத்துக்குடியில் விற்பனைக்காக 1.6 கிலோ கஞ்சா வைத்திருந்த 2பேரை போலீசார் கைது செய்தனர்.
தூத்துக்குடியில் மத்தியபாகம் காவல் நிலைய இன்ஸ்பெக்டர் பாஸ்கரன் மற்றும் போலீசார் நேற்று செல்விஜர் தெருவில் ரோந்து பணியில் ஈடுபட்டுக் கொண்டிருந்தபோது சந்தேகத்தின் பேரில் நின்று கொண்டிருந்த 2 பேரை சோதனை செய்ததில் அவர்கள் வைத்திருந்த பையில் விற்பனைக்காக கஞ்சா இருப்பது தெரியவந்தது.
மேலும் அவர்கள் தூத்துக்குடி மாவட்டம் கல்லத்தி கிணறு கிராமம் மேற்கு தெருவை சேர்ந்த சாலமோன்ராஜ் மகன் ஜெயசூர்யா (29), முத்தையாபுரம் அம்பேத்கர் நகரை சேர்ந்த மோகன்ராஜ் மகன் பிரகாஷ் தினகரன் (24) எனத் தெரியவந்தது. அவர்கள் 2பேரையும் போலீசார் கைது செய்து, அவர்களிடம் இருந்த 1.6 கிலோ கஞ்சாவை பறிமுதல் செய்தனர். 
