வேம்பாரில் 100 நாள் டிபி பிரச்சாரத்தின் கீழ் மீன் எண்ணெய் தயாரிக்கும் கம்பெனியில் காச நோய் கண்டறியும் முகாம் நடைபெற்றது.
காச நோயில்லா இந்தியா 100 நாள் டிபி பிரச்சாரத்தில் வேம்பார் அரசு ஆரம்ப சுகாதார நிலையத்திற்குட்பட்ட பியர்ல் சிட்டி மெரைன் புராடக்ட்ஸ் மீன் எண்ணெய் தயாரிக்கும் கம்பெனியில் காச நோய் கண்டறியும் முகாம் நடைபெற்றது. முகாமை உரிமையாளர் அலி, நடமாடும் மருத்துவ குழு மருத்துவ அலுவலர் ராஜேசேகர் ஆகியோர் தலைமை தாங்கி பணியாளர்களுக்கு காசநோய் விழிப்புணர்வு துண்டு பிரசுரங்களை வழங்கி துவக்கி வைத்தனர்.
கம்பெனி மேலாளர் சாமுவேல் ராஜ் அவர்கள் முன்னிலை வகித்தார்கள். முகாமில் சுகாதார ஆய்வாளர் இராமலிங்கம், நடமாடும் மருத்துவ குழு, முதுநிலை சிகிச்சை மேலாளர் கணேசமூர்த்தி, முதுநிலை ஆய்வக மேற்பார்வையாளர் செல்வரதி, சுகாதார பார்வையாளர் அமுதா, அனைத்து MLHP, WHV , மற்றும் பணியாளர்கள் நூற்றுக்கும் மேற்பட்டோர் கலந்து கொண்டனர்.
