தூத்துக்குடி மாவட்ட அளவில் சிலம்பம் போட்டியில் பதக்கம் வென்ற நாகலாபுரம் பள்ளி மாணவரை ஆசிரியர்கள் பாராட்டினர்.
தூத்துக்குடி மாவட்ட அளவில் 17வயதிற்கு உட்பட்ட பள்ளி மாணவர்களுக்கான சிலம்பம் போட்டிகள் திருச்செந்தூர் காஞ்சி சங்கரா மெட்ரிக் மேல்நிலைப் பள்ளியில் நடந்தது. இதில் நாகலாபுரம் எஸ்.கே.கே. இந்து உயர் நிலைப் பள்ளி மாணவர் சிவா கலந்து கொண்டு வெற்றி பெற்று வெண்கலப் பதக்கம் பெற்றார்.
வெற்றி பெற்ற மாணவன் சிவாவை மாவட்ட உடற்கல்வி ஆய்வாளர் டாக்டர் கண்ணதாசன், பள்ளி செயலர் ஜெயராஜ், தலைமை ஆசிரியை சுசீலா, உடற்கல்வி ஆசிரியர் பார்த்திபன் மற்றும் அனைத்து ஆசிரியர்கள் பாராட்டினர்.
