ஆதிச்சநல்லூரில் உலகத்தரம் வாய்ந்த அருங்காட்சியகம் அடிக்கல் நாட்ட மத்திய நிதி அமைச்சர் வருகை தர உள்ள நிலையில் பணிகளை மாவட்ட ஆட்சியர் ஆய்வு செய்தார்.
ஆதிச்சநல்லூர், சிவகளை, கொற்கையில் மாநில அரசு சார்பில் ஆய்வு செய்து கிடைத்த பொருள்களை திருநெல்வேலியில் அமையவுள்ள பொருநை அருங்காட்சியகம் மூலமாக காட்சி படுத்த உள்ளனர். இதற்காக 33.02 கோடி ரூபாய் செலவில் முதல்வர் மு.க.ஸ்டாலின் கணொளியில் அடிக்கல் நாட்டினார். இதற்கான விழா கடந்த 18 ந்தேதி நடந்தது.
இதுபோலவே மத்திய அரசு தொல்லியல் துறை மூலமாக ஆதிச்சநல்லூரில் உலகத்தரம் வாய்ந்த அருங்காட்சியகம் அமைக்கும் பணி ஈடுபட்டு வருகிறது. இதற்காக இடம் தேர்வு உள்பட பல்வேறு பணிகளை மாவட்ட ஆட்சிதலைவர் மரு.கி.செந்தில்ராஜ் தலைமையில் பொதுமக்களிடம் இலவசமாக இடத்தினை வாங்கி கொடுத்துள்ளார். அந்த இடத்தில் அருங்காட்சியகம் அமைத்து உலகம் முழுவதும் உள்ள ஆதிச்சநல்லூர் பொருள்களை மீட்டு வந்து இங்கு வைக்க திட்டமிட்டுள்ளனர்.
மேலும் ஆதிச்சநல்லூர் ஏ, பி, சி சைட் என மூன்று இடங்களில் அகழாய்வு செய்து அந்த இடங்களில் உள்ளது உள்ள படியே சைட் மியூசியம் அமைக்கும் பணியும் உலகத்தரத்தில் நடைபெறவுள்ளது. இந்த பணியை மத்திய அமைச்சர் நிர்மலா சீதாராமன் அவர்கள் வருகிற வாரம் அடிக்கல் நாட்ட உள்ளார்கள்.

இதற்காக மத்திய அமைச்சர் வருகை தரும் இடம், மேலும் மேடை அமையும் இடம், அடிக்கல் நாட்டும் இடம் உள்பட இடங்களை மாவட்ட ஆட்சி தலைவர் மரு.கி.செந்தில்ராஜ் பார்வையிட்ட வந்தார். அவருக்கு மத்திய தொல்லியல் துறை திருச்சி மண்டல இயக்குனர் முனைவர் அருண்ராஜ் விளக்கமளித்தார்.
இந்த விழா மிகவும் பிரமாண்டமாக நடைபெறவுள்ளது. எனவே பொதுமக்கள் மற்றும் வாகனங்கள் நிறுத்தும் இடங்கள் பற்றி ஆய்வு செய்யப்பட்டது.
அருங்காட்சியகம் அமைய உள்ள பணிகள் குறித்தும், தொல்லியல் துறையினருடன் மாவட்ட ஆட்சி தலைவர் ஆலோசனை நடத்தினார். அதன் பின் அவர் ஆதிச்சநல்லூர் பரம்பில் பி. சைட் என்ற இடத்திற்கு வந்தார். அங்கு ஆதிச்சநல்லூர் பரம்பு பகுதியில் தோண்டப்பட்ட குழிகள் மேல் கண்ணாடி மூலம் அமைய உள்ள சைட் மியூசியத்தை நேரில் பார்வையிட்டு பணிகள் குறித்து ஆர்வமாக கேட்டறிந்தார். அதன்பின் தமிழக முதலமைச்சர் மு.க.ஸ்டாலின் மூலமாக வெளியிடப்பட்ட புதுக்கோட்டை மாவட்ட வரலாறு நூலை முனைவர் அருண்ராஜ், மாவட்ட ஆட்சி தலைவரிடம் அறிமுக படுத்தினார். இந்த நிகழ்ச்சியில் நூலின் ஆசிரியரும், தொல்லியல் துறை அலுவலருமான யதீஸ்குமார், தொல்லியல் ஆய்வாளர் அறவாழி, ஸ்ரீவைகுண்டம் வட்டாட்சியர் சிவகுமார், எழுத்தாளர் முத்தாலங்குறிச்சி காமராசு, முன்னாள் பஞ்சாயத்து தலைவர் சங்கர் கணேஷ், ஆறாம்பண்ணை பஞ்சாயத்து தலைவர் சேக் அப்துல்காதர் உள்பட பலர் கலந்து கொண்டனர்.

பாக்ஸ் போடலாம்.
மாவட்ட ஆட்சி தலைவர் மரு.கி.செந்தில்ராஜ் ஆதிச்சநல்லூர் பார்வையிட வரும் போது தமிழ்நாடு முழுவதிலும் இருந்து வாசிப்பை நேசிப்போம் வாட்ஸ் அப் குழுவினர் 30க்கும் மேற்பட்டவர்களும் ஆதிச்சநல்லூரை பார்வையிட வந்தார். இவர்கள் கோமதி சங்கர், ஓவியர் வள்ளிநாயகம் ஆகியோர் தலைமையில் வந்தனர். அந்த குழுவில் மருத்துவர்கள், பத்திரிக்கையாளர்கள், ஓவியர்கள், பதிப்பாளர்கள், எழுத்தாளர்கள் இருந்தனர். அவர்களை மாவட்ட ஆட்சி தலைவர் ஆர்வத்தோடு விசாரித்தார். அவர்கள் மாவட்ட ஆட்சிதலைவரிடம் இதுபோன்ற அருங்காட்சியகம் வர தாங்கள் ஏற்பாடு செய்த வகைக்கு நன்றி தெரிவித்தனர். மேலும் சென்னையை சேர்ந்த தொழிலதிபர் நாலுமாவடி ரணா. அருண்குமார் தனது தந்தை லைன் ராமசந்திரன் உடன் வந்திருந்தார். அவர்களை சந்தித்து உரையாடியதோடு குழு படமும் எடுத்துக் கொண்டார். அதன்பின் அவர்களுக்கு விளக்கம் அளிக்க ஆய்வு மாணவர்களை அனுப்பி வைத்தார். இந்த நிகழ்ச்சியில் பத்திரிக்கையாளர் சுடலைமணி செல்வன் தான் எழுதிய குடிமவன் என்ற நாவலை மாவட்ட ஆட்சி தலைவர் மரு.கி.செந்தில்ராஜ் இடம் கொடுத்தார். அவரிடம் மாவட்ட ஆட்சி தலைவர் கையெழுத்திட்டு நூலை தரும் படிக்கேட்டுக்கொண்டார். அதன்படி நூலாசிரியர் கையெழுத்து இட்டு நூலை வழங்கினார். நூலை பெற்றுக்கொண்ட அவர் நிச்சயம் நூலை படிப்பதாக தெரிவித்தார்.
மேலும் ஆய்வாளர்கள், பணியாளர்களை அழைத்து தொடர்ந்து பணி செய்ய வகைக்கு விரைவில் பணி நடைபெற உதவிய வகைக்கு நன்றி கூறினார். அதன்பின் அவர் அங்கிருந்து கிளம்பி தூத்துக்குடிக்கு சென்றார்



