நாசரேத் கடையனோடை வாய்க்காலில் மீன்பிடி வலையில் 8 அடி நீளம் கொண்ட அரிய வகை மலைப்பாம்பு சிக்கியது.
தூத்துக்குடி மாவட்டம் நாசரேத் அருகில் உள்ள கடையனோடை பகுதியில் மீன் பிடிப்பதற்காக அங்குள்ள வாய்க்கால் பகுதியில் ஒருவர் வலையை விரித்துவிட்டு சென்றுள்ளார்..சிறிது நேரத்திற்கு பிறகு அவ்வழியாக வந்தவர்கள் மீன்பிடி வளையில் மலைப்பாம்பு ஒன்று சிக்கியிருந்ததை கண்டு அதிர்ச்சி அடைந்தார்.
பின்னர் இதுகுறித்து வனத்துறை அதிகாரிகளுக்கு தகவல் கொடுக்கப்பட்டது. மாவட்ட வன அலுவலர் அபிஷேக் தோமர் உத்தரவின் பேரில் சம்பவ இடத்திற்கு விரைந்து வந்த திருச்செந்தூர் வனச்சரக அலுவலர் கனிமொழி அரசு தலைமையில் வனவர்கள் கருணாகரன், சுரேஷ் வனக்காப்பாளர் சக்திவேல்,வன காவலர் அபிஷேக் ஆகியோர் 8 அடி நீளம் கொண்ட அரிய வகை மலைப்பாம்பை பத்திரமாக மீட்டு ராஜபதி வன காப்பு பகுதியில் விட்டனர்.


