தூத்துக்குடி அருகே அரசு பேருந்து கட்டுப்பாட்டை இழந்து கடைக்குள் புகுந்த சம்பவம் பரபரப்பை ஏற்படுத்தியது.
பெருங்குளத்திலிருந்து தூத்துக்குடி செல்லும் அரசு பேருந்து இன்று மாலை 4.30 மணிக்கு சேர்வைக்காரன்மடம் ஊராட்சி தங்கம்மாள்புரம் பகுதியில் சென்று கொண்டிருந்தபோது, திடீரென கட்டுப்பாட்டை இழந்து அருகிலுள்ள மளிகை கடை மீது மோதியது. இதில் பேருந்தின் முன்பக்க கண்ணாடி உடைந்து சேதம் அடைந்தது.
நல்வாய்ப்பாக பேருந்தில் கல்லூரி மாணவிகள், பள்ளி மாணவிகள் உட்பட சுமார் 70 பயணித்த நிலையில் யாருக்கும் காயம் எதுவும் ஏற்படவில்லை. சம்பவ இடத்திற்கு சாயர்புரம் உதவி காவல் ஆய்வாளர் சூசை அந்தோணி விரைந்து விசாரணை நடத்தினார். இந்த சம்பவம் அப்பகுதி மக்களிடையே பரபரப்பை ஏற்படுத்தியது.
