முறப்பநாடு அருகே மோட்டார் சைக்கிள் மீது லாரி மோதிய விபத்தில் ஒருவர் உயிரிழந்தார்.
மணக்கரை வேதக்கோவில் தெருவைச் சேர்ந்தவர் நெல்லையா மகன் பாலையா (50). இவர் டிவிஎஸ் எக்ஸ்எல் மோட்டார் சைக்கிளில் வல்லநாடு கீழூர் அருகே சென்று கொண்டிருந்தார். அப்போது தூத்துக்குடியில் இருந்து திருநெல்வேலி நோக்கிச் சென்ற லாரி இவரது வாகனம் மீது மோதியது. இதில் பலத்த காயம் அடைந்த அவர் சம்பவ இடத்திலேயே இறந்தார்.
இதுகுறித்து முறப்பநாடு போலீசார் வழக்குப் பதிந்து, கண்டெய்னர் லாரியை ஓட்டி வந்த விருதுநகர் மாவட்டம் அருப்புக்கோட்டை காளியர் கரிசல் குளத்தைச் சேர்ந்த துரை ராஜ் மகன் பத்மநாபன் (40) என்பவரை கைது செய்து விசாரணை நடத்தி வருகிறார்.
