தூத்துக்குடியில் ரோட்டரி கிளப் ஆப் பியர்ல் சிட்டி சார்பில் புனித ரமலானை முன்னிட்டு இப்தார் நிகழ்ச்சி நடைபெற்றது.
இந்நிகழ்ச்சிக்கு சங்கத்தின் தலைவர் விக்னேஷ் தலைமை தாங்கினார் ரோட்டரி மாவட்ட செயலாளர் முகமது யூஸ் ஆஃப் ராஜா சிறப்பு விருந்தினராக கலந்து கொண்டார். புனித ஜாமியா பள்ளிவாசல் இமாம் அப்துல் அலிம் மற்றும் செயலாளர் எம் எஸ் எப் ரகுமான் கௌரவ விருந்தினர்களாக பங்கேற்றனர். ரொட்டேரியன் கண்ணன், உதவி ஆளுநர் மற்றும் சங்கத்தின் செயலாளர் விக்டர், கௌரவ விருந்தினர் இமாம் அலிம் இப்தார் நற்செய்திகளையும் நோன்பின் கடை பிடிப்புகளையும் மிகச் சிறப்பாக விவரித்தார்.
செயலாளர் ரகுமான் ரம்ஜான் நோன்பு மாதம் கடைபிடிக்கும் 5 நற்பண்புகளை பற்றி எடுத்துரைத்தார். சிறப்பு விருந்தினர் முகமது யூசுப் ராஜா பேசுகையில் இதுபோன்று மத வேறுபாடு இன்றி அனைவரும் இணைந்து பங்கேற்று இப்தார் நடத்துவது மிகவும் மகிழ்ச்சி ஊட்டுகிறது இதுபோன்ற ஒற்றுமை நமக்குள் இருப்பினும் யாரேனும் நம்மை பிரிக்க இயலாது என்று உணர்ச்சி பொங்க எடுத்துரைத்தார். இந்நிகழ்ச்சிக்கான ஏற்பாடுகளை ரிட்டரின் இப்ராகிம், பைசர் ரகுமான் ரொட்டேரியன், ஆசிக் மற்றும் சங்க உறுப்பினர்கள் செய்திருந்தனர்.
