மூக்குப்பீறி தூய மாற்கு மேல்நிலைப்பள்ளியில் விளையாட்டு போட்டிகளில் சாதனை படைத்த மாணவர்களுக்கு பாராட்டுவிழா நடைபெற்றது.
விழாவில் பள்ளியின் உடற்கல்வி ஆசிரியை ஜேஸ்மின் ஏஞ்சல் குமாரி வரவேற்புரை நிகழ்த்தினார். பின்னர் நடைபெற்ற பரிசு போட்டியில் தூத்துக்குடியில் நடைபெற்ற சிலம்பம் போட்டியில் சுமார் 350 பேர் கலந்து கொண்டு 1 மணி நேரம் கம்பு சுற்றி கின்னஸ் சாதனை படைத்தார் அந்த மாணவர் நாகூர் மீரான் செல்வத்தை பள்ளியின் தாளாளர் செல்வின் பாராட்டி சான்றிதழ்களை வழங்கினார்.
சென்னையில் நடைபெற்ற முதலமைச்சர் கோப்பைக்கான கிரிக்கெட் போட்டியில் தூத்துக்குடி மாவட்ட அணியில் பள்ளி மாணவர் விஷ்வா தேர்வு பெற்றிருந்தான். அந்த மாணவனையும் தலைமை ஆசிரியை ஜீவிய ஜெயசீலி பாராட்டி சான்றிதழ்கள் வழங்கினார்.
17 வயதிற்குட்பட்ட மாணவர் உயரம் தாண்டுதல் பிரிவில் வருவாய் மாவட்ட அளவில் மூன்றாம் இடம் பெற்ற மாதேஷ்க்கு சான்றிதழ்கள் மற்றும் பதக்கங்கள் வழங்கப்பட்டன. விழா முடிவில் பள்ளியின் உடற்கல்வி ஆசிரியர் பிரைற்றன் ஜோயல் நன்றியுரை வழங்கினார். பரிசுகளை பெற்ற மாணவர்களை பள்ளி தாளாளர், தலைமை ஆசிரியை, ஆசிரியர்கள், அலுவலக பணியாளர்கள் மற்றும் மாணவ, மாணவிகள் பாராட்டினர்.
