பிள்ளையார்நத்தம் ஆதிபராசக்தி வழிபாட்டு மன்றத்தில் மழைவளம் வேண்டி கஞ்சி கலய ஊர்வலம் நடந்தது.
தூத்துக்குடி மாவட்டம் கோவில்பட்டி அருகே பிள்ளையார்நத்தம் மேல்மருவத்தூர் ஆதிபராசக்தி வழிபாட்டு மன்றத்தில் ஆடிப்பூர விழா நடைபெற்றது. மழைவளம், விவசாயம், தொழில்வளம், மக்கள் நலமுடன் வாழவும் வேண்டி பெண்கள் கஞ்சிக்கலயம், தீச்சட்டி, முளைப்பாலிகை எடுத்து ஊர்வலமாக வந்தனர். மகளிர் அணி ஒருங்கினைப்பாளர் சக்தி.பத்மாவதி தலைமையில் ஆன்மிக இயக்க மாவட்ட தலைமை ஒருங்கினைப்பாளர் சக்தி.ஆர்.முருகன் ஊர்வலத்தை தொடங்கி வைத்தார். தொடர்ந்து கஞ்சி வார்ப்பு நிகழ்ச்சி நடந்தது.
அன்னதானம் மற்றும் அருட்பிரசாதம் வழங்கும் நிகழ்ச்சியை கழுகுமலை மன்ற தலைவர் அழகர் துவக்கி வைத்தார். இவ்விழாவில் இளையரசநேந்தல் மன்ற தலைவி கிருஷ்ணம்மாள், வண்டானம் மன்ற பொறுப்பாளர் அன்னத்தாய், எட்டயபுரம் புதிய மன்ற தலைவர் கன்னா, வானரமுட்டி நாறும்பூ நாதன், முருகன், மன்ற பொறுப்பாளர்கள் ராஜேஷ்வரி, மாரிமுத்து, முருகேசன், சுப்புலெட்சுமி, வசந்தா, தமிழரசி உட்பட பலர் கலந்து கொண்டனர்.
